facebook-domain-verification=g7mm8865vo8jzxw00gqvzlh4vxgob2

Die Op die Kantlyn-reeks is 'n splinterreeks van die Pad na Glorie-reeks. Julle ken mos die storie van altyd die strooimeisie maar nooit die bruid? Dis omtrent so 'n reeks, van al daardie karakters wat in die Pad na Glorie-reeks verskyn as bykarakters, soos Jesse, Angie in Jakes se Geheim se tweelingbroer. Sy boek gaan volgende verskyn. Hulle het almal so gekerm dat ek uiteindelik besluit het om vir hulle ook stories te skryf. Niel Mackay is byvoorbeeld Sarah MacKay (Richie en die Rooikop), se ouer broer. Hy is ook goeie vriende met Daniel Cooper (Daniel se Dilemma). 

Keuses van Gister.jpg

Spyt kom altyd te laat...

As ‘n jong en hardkoppige twee-en-twintig-jarige het Niel MacKay ‘n besluit geneem wat hy nog altyd berou het. Al het hy selfs toe geweet dit is ‘n fout, was hy te trots, en nog meer verleë, om te erken dis ‘n fout. Toe hy uiteindelik tot sy sinne kom, is dit te laat.

Die verlede het ‘n nare manier om jou in te haal. Toe hy terugkeer na Suid-Afrika besef Niel dat die keuse wat hy destyds gemaak het, meer gevolge het as wat selfs hy gedink het.

Net soos Niel het Jess geweet dis ‘n dom besluit om hom te laat gaan. Sy was egter te trots om hom te keer voor hy by die deur uitstap. Sy wou gehad het hy moet haar kies, of haar ten minste net ‘n keuse gegee het, maar toe hy dit nie gedoen het nie, het sy hom laat gaan.

Sal Niel hierdie keer ‘n beter besluit neem om sy verhouding met Jess te herstel?

  • Facebook
  • Twitter
  • YouTube
  • Pinterest
  • Instagram
  • Amazon
icons8-goodreads-50.png
icons8-bookbub-30.png

© 2020 by francinebeaton. All Rights Reserved.