Brand jy vas as gevolg van skrywersblok? Hier’s vyf praktiese (en prettige) maniere om jou kreatiwiteit weer aan die gang te kry — sonder trauma of trane.

Musiek het 'n manier om ons direk in 'n spesifieke emosie of herinnering te dompel. As skrywer vind ek dit fassinerend hoe 'n enkele liedjie 'n hele storie kan inspireer of 'n karakter se diepte kan verryk. Alhoewel ek nie musiek speel terwyl ek skryf nie—die versoeking om 'n solo-optrede met my pen as mikrofoon op te voer is net te groot—gebruik ek dit dikwels voor ek begin skryf om myself in die regte gemoedstoestand te plaas.